14-желтоқсан күні мектебімізде Қазақстан Республикасы Тәуелсіздігі күні және Қазақстан Республикасы Қарулы Күштерінің 30 жылдығымен тұспа-тұс келген мектебіміздің 7 “А” сыныбы оқушыларының Республикалық “Жас сарбаз” жасөспірімдер әскери-патриоттық қозғалысы қатарына қосылу іс-шарасы өтті.

Оқушы ұл-қыздарымыз Отанына адал қызмет етуге, тәртіпті, білімді жас сарбаздар қатарынан болуға салтанатты түрде Ант етті. Мектеп директоры Елекеева Нургуль Жақсыбекқызы және “Жас Сарбаз” жасөспірімдер әскери-патриоттық қозғалысы, РҚБ Астана қалалық филиалының өкілі Халық Айнұр Тоқайқызы, мектебіміздің құрметті ұстазы, отставкадағы полковник Кабышев Ерлан Кеңесқазыұлы жас сарбаздарға құттықтау тілектерін арнап, жас сарбаз куәлігін табыстады.

Жас сарбаздарға білімді, тәртіпті, батыл және шыншыл, Отанының ержүрек қорғаушысы болуларын тілейміз.