Дөңгелек үстелге көрермен ретінде №65 мектеп - гимназиясының 9-11 сынып оқушыларымен ұстаздар ұжымы қатысты.

---

Бүгін Нұр-Сұлтан қаласы әкімдігі «Руханият» КММ Шоқан Уәлихановтың 185 жылдығына арналған «АҚҚАН ЖҰЛДЫЗ» онлайн дөңгелек үстел өткізді. Дөңгелек үстелге көрермен ретінде №65 мектеп - гимназиясының 9-11 сынып оқушыларымен ұстаздар ұжымы қатысты.
Дөңгелек үстелді Тілдерді дамыту және архив ісі басқармасы басшысының орынбасары Сәкен Зиябекұлы құттықтау сөзімен ашып берді. Шара Шығыстың жарық жұлдызы, ұлы ағартушы Ш. Уәлиханов қазақ мәдениеті мен әдебиетіне қосқан үлесі үшін жастарға үлгі-өнеге ету мақсатында ұйымдастырылды. Арнайы сөз кезегін алған шоқантанушы, жазушы Жарылқап Бейсенбайұлы өзінің тың зерттеулерімен бөлісті. Сөз кезегін жалғастырушылар Ш. Уәлиханов атындағы Көкшетау мемлекеттік университетінің докторанты Талапкер Уәлиев, Ш.Уалиханов атындағы Тарих және этнология институтының ғалым хатшысы, PhD доктор Mахаббат Қозыбаева, ф.ғ.д. Л.Н. Гумилев атындағы ЕҰУ қазақ әдебиеті кафедрасының профессоры Сағымбай Жұмағұл, ф.ғ.к., Л.Н. Гумилев атындағы ЕҰУ қазақ әдебиеті кафедерасының меңгерушісі Қайырбек Кемеңгер жастарға аса құнды мәліметтер берді. Онлайн дөңгелек үстел Ш. Уәлихановтың «Алтын Емел» мемориалды мұражайына жүргізген онлайн экскурсиясымен аяқталды. Іс - шараны ұйдастырушы @ruhaniat.kz алғыс білдіреміз.

---

273 просмотров

Добавлено: 09.11.2020 в 23:16