Астана қаласы №65 мектеп-гимназиясында 12-сәуір Ғарышкерлер күніне байланысты, 11-сәуірден бастап тәрбие сағаттары өтіле бастады. Тәрбие сағаттарының басты мақсаты:Қазақстан еліндегі Байқоңыр ғарыш айлағының және ғарышкерлер мерекесіне орай Кеңес үкіметінің және қазақ еліндегі тұңғыш ғарышкерлер туралы мәлімет беру. Ұстаздар тарих әлеміне сүйене келіп, түрлі суреттер арқылы мынандай мәліметтерді оқушыларға айтып жеткізді.

1957 жылы 4 қазанда Байқоңыр ғарыш айлағынан Спутник атты бірінші жасанды жер серігі ұшырылған болатын. Мереке шеңберінде бірқатар үздік қызметкерлер космостық техниканы игеру мен ғарыштық бағдарламаларды дамытуда жеткен табыстары үшін медалдар мен ескерткіш белгілермен марапатталатын болады. Еліміздің стратегиялық маңызы зор нысаны саналатын Байқоңыр ғарыш кешенінің тіршілігі жалдық сипат жағдайындағы ерекшеліктермен тыныстауда.

«12-сәуір – Ғарыш күні», «Тоқтар-тұңғыш ғарышкер», «Мен ғарышкер боламын» атты тәрбие сағаттары өткізілді.

Аспан әлемін зерттеу өте ерте кезден басталған. Бірақ әлі күнге дейін ғарыш құпиясы ашылған жоқ. Ғарышты адам игілігіне пайдалану үшін адамдар көп еңбектенді. Соның нәтижесінде 1957 жылы 4-қазан-да тұңғыш рет ғарышқа Жер серіктері ұшырылды. Содан бері ғарышқа көптеген Жер серіктері ұшырылды.Әрбір Жер серігінің өзінің атқаратын жұмысы бар.Мысалы,олардың бірі аспандағы бұлттардың қозғалысын бақылайды. Солардан алған хабар бойынша мамандар ауа райын дәл болжай алады.Ал енді біреулері алып мұхиттарда жүрген үлкен-үлкен кемелерді қадағалайды.Кемелер апатқа ұшырай қалса солардан шыққан белгіні қабылдап,оны жерге хабарлайды. Осы сынды ақпарттар айтылып, ғарышкерлерге толық тоқталды.